第1位: Dafgards 瑞典肉丸 1000克

講起北歐美食，一定係食經典既瑞典肉丸！我地選擇既瑞典品牌 Dafgårds所製作既肉丸採用瑞典優質豬、牛肉製作而成，經典美味直送到港。皇牌肉丸固然係No.1啦！識食一定係氣炸或者平底鑊加熱即可，脆口又好味。你地仲有啲咩推薦食法呢？

第2位: Aviko 芝士西蘭花焗薯餅 1.5kg

每次返貨一定搶購一空嘅西蘭花薯餅~ 個個客食完都話一定要回購。大大舊勁滿足，我地最鐘意拎黎整all day breakfast！早幾個月都缺貨，無預到大家咁瘋狂搶購，嚟緊一定補滿貨比你哋食!

第3位: Lindströms 水牛芝士條 250克

呢款芝士條又係人氣之選，最啱芝士控！通常啲客都4-5包咁買，因為食到唔停口，一家人唔夠分🤭 脆脆哋仲要一咬拉絲(拿！利申返小編唔保證每個氣炸鍋焗出嚟嘅效果呀）

第4位: Santa Maria 墨西哥迷你玉米餅86克

哇，估唔到呢款居然係第四位。睇嚟各位都已經緊貼到瑞典文化，識得Cosy Friday呢個概念，瑞典人好流行星期五食TEX-MEX － 姐係食墨西哥Taco! 迷你Taco嘅好處就係唔洗諗煮乜餸，淨係分開各款鐘意嘅食材處理好，放埋一齊就食得！ 當親子活動都幾啱㗎，方便易整又食到鐘意嘅嘢食，必試！

食譜: https://mrmeatball.hk/zh-hant/vege-taco-tube/

第5位: Felix 越橘果醬 283g

我地精選既瑞典紅莓/越橘醬！紅莓（Lingonberry ）只生長係北歐，其他歐美國家係搵唔到㗎！肉丸推薦傳統食法：瑞典肉丸配上薯蓉、忌廉肉汁和紅莓醬食用。小編其實私心愛忌廉肉汁多啲，不過只有小朋友才要做選擇！Why Not Both!

第6位: Feldts 挪威三文魚柳 125克 4件裝

呢款挪威三文魚一包已經有4件，唔洗諗直接煎完兩邊上色再用水焗一焗就食得！想瑞典啲仲可以加啲刁草做garnishing。三文魚柳啖啖肉，肉質結實又有蛋白質同Omega3，食得健康又抵食。不如試下懶人菜色－刁草檸檬焗三文魚，即刻去睇食譜。

第7位: Felix 經典瑞典薯餅 750g

Felix瑞典三角形薯餅又係勁受歡迎，香港人都幾慣朝早食薯餅做早餐，唔想出街買外賣，就緊係氣炸薯餅夠方便啦！唔知係咪瑞典薯仔特別好食，100%用瑞典農場薯仔製，食完一塊又想食第二塊🤭

第8位: Garant 瑞典雞上脾 1000克

Garant呢款雞上脾係100%瑞典放養走地雞，無激素無基因改造，食得安心又放心，難怪大家都買啦。係咪因為整雞翼整厭咗，準備試下蠔油薯仔炆雞上脾呢？

第9位: Dafgards 瑞典雞肉丸 500克

第1位嘅皇牌肉丸都係由瑞典品牌 Dafgårds所製作，為咗令唔想食牛嘅客都試到佢哋嘅肉丸，特登入左佢哋嘅雞肉丸，都非常juicy，啱哂大家口味！

第10位: Dafgards 牛肉千層麵（家庭裝）1.4kg

Dafgårds千層麵係我哋極多好評嘅產品，個個客買完之後都特登whatsapp我哋話真係好好食，最啱Party同屋企聚會食啦。哎呀，先賣左兩個星期又無哂貨啦，9月頭一返貨即刻話你哋知！