肉丸先生上次介紹咗聖誕必食之選，今次當然要講下瑞典人聖誕節仲會做啲咩慶祝活動啦。

1. 儀式感滿滿— 燃點蠟燭

聖誕節前4個星期星期日(Advent Sunday), 枱面都會放上4支蠟燭，每個星期日燃點一支蠟燭，象徵式地倒數著聖誕節到來。蠟燭旁邊通常一定有薑餅、暖紅酒、藏紅花包，齊齊整整迎接聖誕節。

2. Saint Lucia Day

每年12月13日瑞典人都會慶祝聖露西亞節 (Saint Lucia Day) ，代表迎接「光明」及聖誕節開端。為紀念聖露西亞，男女都會穿上長袍，腰間綁上紅色絲帶，再戴上有蠟燭嘅花冠，手上攞著已點燃的蠟燭，一邊遊行，一邊唱聖誕歌。

3. 逛聖誕市集

睇嚟聖誕節每個國家其中一個共通點都係有聖誕市集。當然，瑞典聖誕市集梗係有氣氛啲啦，除咗聖誕裝飾，仲有唔少手工製品或羊毛聖誕老人公仔。小編好想去瑞典旅行過聖誕呀！ 

如果有機會去瑞典過聖誕，不妨都可以去市集行下，感受下氣氛呀。

4. 食聖誕大餐

聖誕節聖誕火腿、薑餅、暖紅酒、肉丸、脆餅乾、藏紅花包等等都係瑞典聖誕必食之選，詳細介紹可以睇返呢度。

God Jul!

(瑞典文:聖誕節快樂!)