瑞典麵包三寶除咗肉桂包仲有邊款？

香港有菠蘿包，瑞典有肉桂包。除咗肉桂包，你仲知唔知瑞典有咩包食呢？下次比人問起你，就要記得肉丸先生教你瑞典主要有呢三款包啦: 肉桂包、藏紅花包、小豆蔻包。

1. 肉桂包 Cinnamon Buns (Kanelbullar)

肉桂包/肉桂卷經常都會出現喺瑞典人FIKA(類似coffee break)嘅時候。而瑞典人嘅FIKA係每日都可能有三四次以上，唔只係下午茶或者早餐咁簡單。寫意輕鬆咁食個肉桂包或者曲奇，配上一杯咖啡或者牛奶，想像下都覺得幾chill下。

而肉桂包點整呢?

材料通常有以下:
高筋麵粉、牛奶、楓糖、無鹽牛油、速發乾性酵母、雞蛋、肉桂粉、砂糖、雲呢拿醬

大概做法用牛奶、酵母、麵粉及楓糖混合，後慢慢加入牛油及蛋液，麵團製作好後用焗爐發酵90分鐘。將肉桂陷及砂糖慢慢塗上麵團後小心捲起，放入密封地方發酵多60分鐘再焗20分鐘。

肉丸先生為方便大家一眾懶人，梗係入一款氣炸鍋焗8分鐘就食得嘅肉桂包比大家啦! 即刻㩒呢度買!

聖誕節必備篇都有介紹過藏紅花非常珍貴，係世界上其中一款最昂貴既香料之一。瑞典既藏紅花包係加左提子乾既甜麵包，藏紅花既獨特香味會令到甜麵包既味道更加有層次，未食過既話一定要趁機會試下喇！

藏紅花包製作材料通常有: 藏紅花醬/粉、無鹽牛油、牛奶、砂糖、新鮮酵母、雞蛋、麵粉、提子乾

製作方法與肉桂包相似，將材料混合並製作麵團，然後等待發酵一個鐘。並將麵團搓成條狀用相反方向卷成S形，並用提子乾裝飾，再放焗爐30-45分鐘至微金黃色。

雖然肉丸先生就無賣藏紅花包，但可以去姊妹店SverigeShoppen買藏紅花包加熱返就食得，又或者買Santa Maria 藏紅花醬，試下自己整藏紅花包！

小豆蔻包其實都可以話係一款甜品，又辣又甜仲有種花香。雖然小編都係鍾情於肉桂包，但呢款小豆蔻包味道同藏紅花包都係非常特別㗎。

小豆蔻包製作材料通常有: 小豆蔻、無鹽牛油、牛奶、砂糖、新鮮酵母、雞蛋、麵粉、砂糖

其實三款包製作方法都好相似，將材料混合並製作麵團，然後等待發酵一個鐘。並將麵團對摺成長方形再切成條狀，後扭成麻花卷圈，再放焗爐30-45分鐘至微金黃色。不過整小豆蔻包要注意嘅係麵團要夠軟及光滑先會好食。

唔係麵包之王嘅朋友仔，肉丸先生好體貼咁入左一款- Findus 瑞典荳蒄小麵包 420g 比大家試新嘢，雖然個樣唔係正宗麻花辮樣，但比你試到小豆蔻包係咩味，最緊要都係氣炸鍋焗8分鐘左右就食得啦~

希望大家都分享比朋友知道，瑞典除左肉桂包同肉丸，仲有其他款食物㗎！