購物車內沒有任何商品。
15
12 月
12 月
瑞典人通常一到12月聖誕節，就差唔多每日都要食薑餅FIKA配咖啡。就咁食薑餅可能有啲悶，肉丸先生今次就介紹多幾種食法比你哋。除咗有返啲新意，仲可能比你發現到更加好味嘅新食法，試過就返唔到轉頭。但都唔緊要，肉丸先生長期入定Annas薑餅一年365日幾時都食得，唔係得聖誕節先食得㗎！
1. 瑞典傳統食法: 薑餅配藍芝士(加塊三文魚)
平時開聖誕聯歡會或者開聖誕party嚟嚟去去都係菠蘿腸仔、意粉，係時候學下瑞典人嘅薑餅配藍芝士(可用忌廉芝士代替)，上面加一小塊煙三文魚，完全係招呼朋友夠哂得體之餘又夠創新！
薑餅建議用Annas橙味薑餅會啱返咸食，另外肉丸先生煙三文魚都唔錯㗎！
2. 雪糕食法: 薑餅配雲呢拿雪糕
冬天梗係要食雪糕啦！香港市面上都比較難搵到薑餅味嘅雪糕，咁唯有買雲呢拿雪糕同Annas薑餅返屋企自己整。雪糕食法都有好多:
A.自製麥旋風:
將薑餅放入密實袋再用麵包棍轆一轆，已整碎嘅薑餅同雲尼拿雪糕混合，就完成啦！
B.薑餅雪糕加紅莓醬:
平時食肉丸配紅莓醬，雪糕都可以配紅莓醬㗎，酸酸甜甜，加上少許肉桂味薑餅，多重味蕾享受！
Felix Stirred Lingonberries 410g
Felix Lingonberry Jam 283g
‘
4. 送禮食法: 糖霜薑餅畫畫
每逢聖誕節都總係好想送啲小禮物比朋友，就好似情人節送朱古力咁，聖誕節就可以自己包裝返啲薑餅啦。Annas薑餅禮盒裝除咗送禮啱用之外，都可以自製糖霜後，喺薑餅上面畫喜歡嘅圖案，再送比朋友，食得之餘仲有手繪絕對夠哂窩心！作為親子活動，一齊DIY都係個唔錯嘅選擇呀。
糖霜材料:
糖粉 200克、蛋白一個、食用色素(如需要)
糖霜製法:
將糖粉過篩後加蛋白上，用打蛋器打發至無顆粒狀態，如果想有顏色，可加食用色素調色。將糖霜放入唧花袋就準備好可以用糖霜畫畫啦。
4. 甜品食法: 薑餅布甸
木糠布甸就聽得多食得多，用薑餅代替馬利餅乾都可以做出同樣效果。加上冬天士多啤梨當造，整返杯薑餅士多啤梨布甸就應到節又夠哂好味。
做法可參考返上面薑餅麥旋風先整碎薑餅後，再將士多啤梨、忌廉、薑餅逐層在杯中擺好，放在雪櫃半個小時後，已經可以食得。
5. 親子必做聖誕活動: 糖果薑餅屋
參考返上面糖霜畫畫嘅糖霜製法，只要有Annas薑餅屋套裝、糖果、朱古力、糖霜，你就可以設計屬於你自己獨一無二嘅薑餅屋啦！瑞典每年都會搞薑餅屋設計大賽，可以睇下肉丸先生下篇就介紹呢個大賽嘅薑餅屋有幾靚啦。
Annas Gingerbread Cookies Original 300G (Dispatch date 16 Dec)
Annas Original Cinnamon Gingerbread Thin Cookies Orange Flavour 300g (dispatch date 16 Dec)
Annas Cinnamon Gingerbread Hearts Cookies Metal Gift Box 475g (dispatch date 16 Dec)
Annas Gingerbread House 320g (dispatch date 16 Dec 2022)