瑞典傳統節日 | 小龍蝦派對 Kräftskiva 

每年嘅8月，瑞典人為咗慶祝小龍蝦豐收，就會特登舉行party嚟慶祝。而家雖然係一個大眾化節日，家家戶戶都會隆重其事，但遠在15世紀，小龍蝦其實係貴族嘅食物，只有上流社會先食得起。之後政府更加為咗小龍蝦去立法管制捕捉，20世紀亦將11月至8月嘅第一個星前三定為禁捕期，所以一解禁後就成為民眾慶祝解禁、豐收嘅時候。直到而家，法令已經取消，而小龍蝦亦唔再係貴族專利，但瑞典人都係會舉行小龍蝦派對。

講到過節，千祈唔好睇少瑞典人嘅認真，佢哋真係會全身投入。之前提及仲夏節大家會利用時令花草打扮同裝飾，而小龍蝦派對就梗係用返小龍蝦嚟裝飾啦！

首先，party上嘅貼紙、剪紙彩旗、燈籠餐巾、圍裙等通通都有小龍蝦嘅影子，參加嘅賓客亦都會戴住印有小龍蝦圖案嘅尖帽。有啲party更加會要求紅橙dresscode，甚至乎要賓客cosplay成小龍蝦嚟參加添㗎。

另外，「月亮」都係裝飾上嘅另一個重點元素。因為小龍蝦會喺有月亮嘅夜晚出嚟活動，所以月黑風高就係捕獲小龍蝦之時喇！而裝飾用嘅微笑月亮燈籠又叫做”The Man on the Moon”，下次見到就認住喇～

Feldts 小龍蝦 1000克 16－22隻