【5月11日 瑞典朱古力波日】 以FIKA享受生活

相信大家做得肉丸先生會員，都一定會知道小編介紹過嘅瑞典FIKA文化，就係類似下午茶時間，食個肉桂包、蛋糕、薑餅或朱古力等，再歎返杯茶或者咖啡。FIKA係任何時候都可以，唔係淨係3點3先可以FIKA㗎！呢個文化主要都係一種生活態度- 慢活、享受。 

講返正題，5月11號係瑞典朱古力波日。當然喺呢一日，朱古力波(瑞典文: Chokladbollar) 就成為FIKA主角，大家都會一齊享受食朱古力波同飲返杯咖啡啦。而瑞典朱古力波通常外層都會鋪滿椰子碎(瑞典文:Kokos) 或者珍珠糖粒 (瑞典文:Pärlsocker), 所以口感上會多一種層次。

我哋姊妹店SverigeShoppen仲有少量朱古力波獨立包裝賣，有興趣都可以買返包試下㗎。廚藝了得嘅會員，可以用可可粉、牛油、咖啡粉、糖、椰子碎或珍珠糖粒等材料試吓自己整~ 配上肉丸先生有賣嘅咖啡粉Zoegas，絕對係FIKA嘅精神！小編寫寫下都忍唔住要食返幾粒朱古力波先((笑(´⌣`)