十大必試瑞典食品 你又食過未?

第10位: 鹽甘草糖 Salty Licorice (Saltlakrits)

講到糖,瑞典有另一樣比較經常出現嘅種類-鹽甘草,有時你會見到黑色嘅糖,唔好以為係可樂糖呀。北歐人對甘草糖喜愛程度都好兩極,老細請小編食既話就不了咁客氣阿,但又有客試過話鐘意。除左糖之外,如果你有機會去瑞典,都會甚至見到有甘草味雪糕㗎(依款小編又okay喎)。

如果你想試伏(或者你可能會鐘意),歡迎去The Swedish Shop HK 買嚟試下呀,有機會好似哈利波特啲奇怪味糖咁(但冇耳屎味放心)。

第9位: 醃鯡魚 Pickles Herrings (Sill)

鯡魚係瑞典人逢節日必食嘅食品。由於北海有大量鯡魚,瑞典人都會捕魚後醃製,留返冬天都有得食。通常都會醃製各款口味,例如芥末、洋蔥、刁草,更易入口。依款醃魚同臭魚唔同嫁!

The Swedish Shop HK有得賣,有興趣可以去望下呀。

第8位: 公主蛋糕 Princesscake (Prinsesstårta)

雖然香港人生日蛋糕有好多種類,但瑞典人嘅生日蛋糕都好簡單,通常都係一個急凍蛋糕,解凍後就食得~ 而呢款綠色外層上面有粉紅色玫瑰,可以話係瑞典最Signature嘅蛋糕,通常特別節日慶祝時都會食㗎。

可惜供應商暫時未處理到海外訂單,肉丸先生入唔到貨比大家試下~

第7位: 刁草薯片 Dill Chips (Dill Chips)

通常去旅行當然都會試下其他零食啦,而瑞典有一款味道嘅薯片我哋少見,但又好好味嘅就係— 刁草味薯片。另外仲有一款味係酸忌廉洋蔥味,都係瑞典比較常見嘅口味。

可以睇下瑞典牌子嘅各款薯片及粟米片! 上HKTVmall The Swedish Shop HK有更多瑞典薯片呀: https://bit.ly/3Vx6V7l

第6位: 小龍蝦 Crayfish (Kräftor)

8月係小龍蝦嘅季節,見瑞典有小龍蝦節,就知道呢款食品有幾受歡迎啦! 不過近年,瑞典人除左8月食小龍蝦,平時都會食㗎,美食梗係幾時都要食啦!

肉丸先生必買小龍蝦:

Feldts 小龍蝦 1000克 16-22隻

>> 小龍蝦 學瑞典人簡單煮法先至最嚐鮮

>>瑞典傳統節日 | 小龍蝦派對 Kräftskiva

 

第5位: 黑麥脆餅/脆餅 Crispbread (Knäckebröd)

我哋朝早嘅早餐通常係麵包夾牛油煉奶,而瑞恩人嘅早餐除左麵包就係脆麵包/脆餅配牛油、魚子醬、火腿、芝士或三文魚。麵包有食用日期嘅限制,而脆餅比起上嚟存放期都耐啲,都幾啱香港人食,脆卜卜都幾好味㗎。脆餅亦慢慢演變出唔同形狀、口味、厚度,總有一款啱你食!

更多脆餅款式可以上HKTVmall The Swedish Shop HK睇下:
https://bit.ly/43yNXz7

第4位: 瑞典芝士 Västerbottensost Cheese (Västerbottensost)

瑞典皇室成員都鐘意嘅芝士- Västerbottensost Cheese,可以話係國民芝士,用瑞典牛奶製造嘅硬芝士⼝味鹹⾹、稍微苦澀中帶甜,絕對值得一試!

 

第3位: 紅莓/越橘醬 Lingonberry Jam (Lingonsylt)

對瑞典人嚟講,紅莓/越橘就好似士多啤梨咁,可以就咁食都可以用嚟整果醬。而呢款莓只會喺北歐生長,所以非常特別㗎。除咗肉丸配紅莓醬,都可以試下pancake配紅莓醬。

 

Felix 越橘果醬 283g

第2位: 玉桂包/玉桂卷 Cinnamon Buns (Kanelbullar)

玉桂包/玉桂卷經常都會出現喺瑞典人FIKA(類似coffee break)嘅時候。而瑞典人嘅FIKA係每日都可能有三四次以上,唔只係下午茶或者早餐咁簡單。寫意輕鬆咁食個肉桂包或者曲奇,配上一杯咖啡或者牛奶,想像下都覺得幾chill下。

Garant 瑞典肉桂捲 12件裝 420克

 

第1位: 肉丸 (Köttbullar)

個個一講瑞典即刻諗起嘅嘢一定係瑞典肉丸🇸🇪 自然一定要試瑞典製嘅肉丸先夠風味啦!

Dafgards 瑞典肉丸 500克(宵夜口痕系列)

Dafgards 瑞典雞肉丸 500克

 

>>【輕鬆煮出瑞典傳統味道】瑞典經典肉丸